LIAM Ó MAONLAÍ
Tógadh Liam ó Maonlaí le Gaeilge i mBaile Átha Cliaith. Fuair sé a chuid amhrán óna a athair agus tuiscint ceoil óna mháthair Eithne Ní Loideáin. Bhí sé an-ghníomhach sa cheol Gaelach ina óige. Thosaigh sé ag déanamh ceoil leis an ghrúpa mór le rá, Hothouse Flowers sna hochtóidí agus tá cáil leitheadach ar fud na cruinne air dá thairbhe. Tá ceol aonair dá chuid féin á dhéanamh is a léiriú aige ó shin, agus giota i dteannta na mBláthanna. Bíonn sé ag cumadh ceoil don teilifís chomh maith agus tá ainm in airde faighte aige as ucht an chláir raidió ar RTÉ Raidió na Gaeltachta, ‘Cuan an Cheoil’. Tá albam amuigh aige dar teideal ‘Urnaí’ ar an lipéad ‘Plancton’ sa tSeapáin.
Bíonn Liam Ó Maonlaí ag cumadh, ag déanamh is ag léiriú ceoil dá chuid féin den mhórchuid na laetha seo. Tá an-ráchairt ar an tseó ceoil s’aige, ‘Cuan an Cheoil’ ar RTÉ Raidió na Gaeltachta. Tá albam amuigh aige dar teideal ‘Urnaí’ ar an lipéad ‘Plancton’ sa tSeapáin.
ÚNA MONAGHAN | IRELAND
Is cláirseoir, cumadóir, taighdeoir agus ealaíontóir fuaime í Úna Monaghan. Bíonn sí ag comhoibriú, ag tobchumadh agus ag taibhiú le filí, ealaíontóirí físe, ríomhairí, scríbhneoirí agus ceoltóirí. Bhí sí ina healaíontóir cónaithe ag an Centre Culturel Irlandais i bPáras, ag an Institute for the Public Life of Arts and Ideas i Montréal, agus ag an Atlantic Music Festival, Maine, SAM. Seinneann sí an chláirseach agus ceol leictreonach ina haonar agus leis an seisréad nua Stone Drawn Circles. Tá dhá albam dá cuid cumadóireachta féin eisithe aici, an t-albam Aonaracht, do cheoltóirí traidisiúnta aonaracha agus ceol leictreonach, ina measc. Bhronn An Chomhairle Ealaíon agus An Ceoláras Náisiúnta Duais Liam O’Flynn uirthi i 2019, agus bhí sí ina Comhalta Taighde Rosamund Harding sa cheol i Newnham College, Ollscoil Cambridge ó 2016-2019. Is léachtóir le Fuaim agus Ceol í in Ollscoil na Banríona, Béal Feirste, áit a ndíríonn sí a cuid taighde ar na crosbhealaí idir ceol traidisiúnta na hÉireann, cleachtais cheoil thurgnamhacha, tobchumadh agus teicneolaíochtaí idirghníomhacha.