Scoil Samhraidh Mhic Reachtain 2017

I ndiaidh a lán ullmhú agus cuid mhór beartú, osclaíodh Scoil Samhraidh Mhic Reachtain 2017 ar 24 Iúil le seoladh albaim eisiach 'Marrakech' ag Shane Hennessy agus le John Spillane, agus druideadh Dé Sathairn 29 Iúil le cuid de na ceoltóirí is tréithigh in Éirinn, Dónal Lunny, Máirtín Ó Connor agus an t-amhránaí Róisín Elsafty.

D'éirigh muid go geal leis an Scoil Samhraidh Mhic Reachtain a ba mhó, ba ghnóthaí agus ba rathúla go dtí seo, ina d'freastail suas go 280 foghlaimeoir fásta ar na ranganna ó lá go chéile, agus a tháinig ó gach aird den tír, ón Albain, ó Shasana, ó Cheanada agus ó Nua-Eabhrac go fiú! Ghlac níos mó na seasca páiste páirt sna ceardlanna, sa chlub óige agus sa champa samhraidh gach lá le cuidiú áiseanna úr nua Bunscoil Bheann Mhadagáín - tá muid thar a bheith buíoch díobh as ucht sin.

Bhí sé de phribhléid againn bheith i láthair i mBarr a' Tí, Áras Mhic Reachtain chun cuid de na hamhránaí, ceoltóirí agus léiritheoirí is tréithigh in Éirinn a chloisteáil ar an ardán seo againne, agus iad ag léiriú do halla plódaithe le daoine achan oíche - cuir i gcás Enda Reilly, Eithne Ní Chatháin nó Inni-K, Liam Ó Maonlaí, Hilary Bow & The Brad Pitt Light Orchestra, Las, Imlé, Dysania, Noeleen Ní Cholla, Noel Ó Dugáin (Clannad), Caitlín Ní Chualáin, Doimnic Mac Giolla Bhríde, Gearóid & Pádraig Ó Dubháin, Megan Nic Ruairí agus eile nach iad. Gan trácht a dhéanamh ar na ceardlanna amhránaíochta le Doimnic agus séisiúin cheoil na laochra, Meaití Jo Shéamais & Tamaí Ó Mealáid - a bhí ag séinm in éineacht leis na Cleamairí Ard Mhacha ar Lá Idirnáisiúnta.

Bhailigh muid aischothú den chéad scoth ó na daoine fásta a d'freastail ar na ranganna agus bhain cuid acu an oiread sin sult aisti gur impigh roinnt acu orainn an Scoil Samhraidh a chur ar fáil thar tréimhse coicise! Is de thairbhe ardchaighdeán, cáilíocht agus stíleanna eagsúla na múinteoirí a mbíonn i mbun múinte gach lá, is mar gheall air an méíd oibre déanta ag na hoibrithe deonacha  ón cheantar máguird agus ag coiste Chumainn Chultúrtha Mhic Reachtain, is i ngeall air obair chrua na mná tae a sholáthar na céadta trí uair sa lá, is de thairbhe cineáltas agus tuiscint ár gcomharanna timpeall orainn, agus ar ndóigh, de bharr fíor dhíograis agus tiomantas na foghlaimeoirí féin a d'éírigh linn.

 

 

TOP